NY TANTARANTSIKA
Topimaso iray tan-kisendrasendra
nifanomezantsika
segondra vitsy monja
taty aoriana ela...
Dia azo namakiana ny tantarantsika
Tsy nisy mpahalala
afa-tsy izaho sy ianao nanoratra azy.
Segondra vitsy monja,
tsipelatra nandalo
dia velon-tsoratra ao
irony tany Ananona sy ny tany Ananona...
Penina iray fa tànan'olon-droa
no nanoratra azy...
Ny sisa tsy tadidy
dia ny topimaso niverim-panindroany
no namerenana azy...
Avy eo dia mody
tsy mifankahalala... Kanefa, tany anaty
niverina namaky
ilay tantarantsika.
RADO - 1988
