Enga anie ianao!
Ho masoandro mamiratra,
manazava tsy mitsahatra,
izao tontolo izao,
Enga anie ianao!
Ho volana mibaliaka,
mandefa tara-pahazavana,
anaty alina mangina.
Enga anie ianao!
ho kintana fitarikandro,
mamiratra miavaka,
anivon-kintana an’alinkisa.
Na ho toy ny vatako ihany,
ialokalofan’ny foko,
amin'ny fiainako eto an-tany,
ary koa tsy miova loko.
Na ho toy ny foko ao anatiko,
izay tia anao hatrany,
na anatin’ny fifaliana,
na koa anatin’ny tomany.
RASAMINDRAKOROKA Andry Tiana
04 May 2025
