Tia

TIA

Tiako ianao no sady hàlako
Fa mangidy koa no mamiko !
« Fahavaloko », « Malalako »
Samy anaranao raha amiko.

 

Angolaiko hoe « fitiavako »
Na bantiko hoe « Mpamitaka »
Mifangaro eo am-bavako
Ny hatezerana sy sitraka.

 

Tezitra aminao ny foko
Misamboaravoara erikitra !
Kelikely indray… Misoko
Ilay fitiavako mamikitra.

 RADO (1966)

Ajouter un commentaire
 

Créer un site gratuit avec e-monsite - Signaler un contenu illicite sur ce site