Ny hodotro
Ny hodotro
Satria mainty hoditra aho, dia ailika avy hatrany
Ho avy amiko avokoa ny zava-dratsy ety an-tany
Maintihoditra aho ve, dia lazaina, arangaranga
Ho vokatry ny hamaintisako ny korontana mitranga ?
Apetapetaka daholo ho tena haratsiam-panahiko
Ny hosokosoka rehetra, na kilema izay tsy ahiko.
Ary dia avahana aho, k’izay toerana aidrako
Dia androahana ahy daholo noho ny lokom-pihodirako !
Soa ihany anefa kosa mbola misy ny mozikako
Dia manambara ny alahelo sy fangitako
Findraindray miraondraona toy ny rian izay mitosaka
Indraindray mapanantena masoandro mbola hiposaka
Indraindray toa manambara ady dsady fitolomana
Indraindray toa malahelo sy miventy fanembonana…
Ary io feon-kirako io feon-kira-mainty hoditra
Feon-kira mampahery sady mapihovitrovitra…
Io no heriko, satria raha tendrena sady tsofina
Na ny fotsihoditra aza, babo manongilan-tsofina.
RADO, 09 mai 1969
Date de dernière mise à jour : Lun 05 juil 2021
Ajouter un commentaire