NY ASA FAMPIANARANA

NY ASA FAMPIANARANA

Ny   asa ...  fampianarana,
Dia asa iray tena miavaka ;
Tsy mitandro hasasarana,
Ary koa tsy manavakavaka.

Ny  asa  ... fampianarana,
Dia asa  iray tena  mihaja ;
Misahana ny fanabeazana,
Olon-tsotra sy manan-kaja.

Ny  asa  ... fampianarana,
Asa  mila  fandavan-tena ;
Lazaina tsy ampihambana,
Mamolavola olom-pirenena.

Ny  asa  ... fampianarana,
Toy  ny  asa ... fitsaboana ;
Andry iray tena hiankinana,
Mba hisian'ny fandrosoana.

Ny  asa  ... fampianarana,
Mila  fiofanana  manokana ;
Mba   hisian'ny  fivoarana,
Lafiny  maro fa  tsy tokana.

Ny  asa  ... fampianarana,
Asa  iray  nampandeferina ;
Faralahy tsy mba manana,
Fa ny teo ihany no naverina.

Raha  jerena  akaiky anefa,
Asa  hiankinan'ny  ho  avy ;
Ka ao  no tokony  hiantefa,
Ny ezaky  ny  mpianakavy.

Ny tsy  tokony  ho  hadino,
Na inona na  inona lazaina ;
Na  hino  ianao na tsy hino,
Ny nianatra tsy ambakaina.

Koa  raha tiana ny Firenena,
Omeo ny haja mendrika azy,
Ny mpampianatra mahonena,
Fa  aza   anaovana   rainazy.

RASAMINDRAKOTROKA Andry Tiana
11 Oktobra 2019

Ajouter un commentaire
 

Date de dernière mise à jour : Mer 16 oct 2019

Créer un site gratuit avec e-monsite - Signaler un contenu illicite sur ce site